Astana men Dýshanbe arasyndaǵy áýe qatynasy qaıta jandanýy múmkin. Bundaı málimetti Qazaqstan-Tájikstan bıznes forýmynda Tájikstan Premer-mınıstriniń orynbasary Sýlaımon Zıezoda aıtty, dep habarlaıdy Egemen.kz.
Onyń aıtýynsha, eki eldiń arasynda kóterme-taratý ortalyqtarynyń qurylysyna qatysty kelisimderge qol qoıylǵan. Atalǵan ortalyqtar Qazaqstanǵa qajetti jemis-kókónis ónimderin jetkizýdi ulǵaıtýǵa múmkindik beredi.
Sondaı-aq Tájikstan Úkimet basshysynyń orynbasary ótken jyly 2 mln 700 myń tonna jemis-kókónis, mıllıon tonna jemis-jıdek pen júzim jınaǵandaryn atap ótti. Onyń ishinde Qazaqstanǵa 26 myń tonna júzim eksporttaldy. Aýylsharýashylyq taýarlaryn jetkizý qurylymy jyldan jylǵa artyp ta kele jatyr.
«Búgin bıznes forýmda úkimetaralyq komıssııa Dýshanbe men Astana arasynda áýe qatynasynyń qaıtadan jandanatyny jaıly aıtty. Menińshe, bul másele sheshiledi», dedi Sýlaımon Zıezoda forým aıasynda BAQ ókilderine bergen suhbatynda.