Búgin, 11 mamyrda Abaı aýdanyndaǵy «Igilik» temirjol ótkeli aralyǵynda Igilik-Badam temir jol ýchaskesinde 18 vagon, onyń ishinde 17 bos vagon bir búıirine aýdarylyp qalǵan, dep habarlaıdy Egemen.kz.
Shymkent qalalyq TJD-nyń habarlaýynsha, aýdarylǵan vagondar jalpy sany 57 vagonnan turatyn «Shymkent-Arys» baǵytyndaǵy №2489 júk poıyzynyń quramynda boldy.
«Oqıǵa saldarynan áýe elektr jelileriniń 11 tiregi búlinip, temir jol tóseminiń ishinara zaqymdanýy oryn aldy. Atalǵan stansada vagondardyń isten shyǵýyna baılanysty «Almaty-Mańǵystaý»baǵytyndaǵy №77 jolaýshylar poıyzy 1 saǵat 15 mınýtqa kidirdi», delingen Shymkent qalalyq TJD baspasóz qyzmeti taratqan habarlamada.
Jóndeý-qalpyna keltirý jumystaryna «QTJ UK» AQ quramynan 55 adam jáne 1 qalpyna keltirý poıyzy jumyldyryldy.
Vedomstvo ókilderi eshkim zardap shekpegenin qosa habarlady.