Bul týraly Memleket basshysy Astana halyqaralyq forýmynyń plenarlyq otyrysynda aıtty, dep habarlaıdy Egemen.kz.
«Qazaqstan burynnan Shyǵys pen Batystyń, Soltústik pen Ońtústiktiń arasyndaǵy altyn kópir sanalady. Kóp jaǵdaıda bul forým uly Eýrazııa dalasynyń mádenıetine, tarıhyna saı keledi. Biz osynaý muramyzdy maqtan tutamyz. Dál osy úzdiksiz taýar, mádenı jetistikterimiz ben ıdeıa almasý arqyly Qazaqstannyń ózindik ulttyq biregeıligi jáne onyń erekshe kópjaqty yntymaqtastyqqa negizdelgen brendi qalyptasty», dedi Prezıdent.
Onyń aıtýynsha, Qazaqstan geosaıası qıyndyqtarǵa qaramastan, Ortalyq Azııada da ekonomıkalyq lokomotıv qyzmetin atqaryp otyr.
«Biz shetelden keń kólemde ınvestısııa tartýdy jalǵastyramyz jáne Qazaqstanda bıznes júrgizý úshin barynsha jaǵdaı jasaımyz», dedi Memleket basshysy.