Búgin Ishki ister mınıstriniń orynbasary-Ulttyq ulan Bas qolbasshysymen kelisile otyryp, UU «Shyǵys» óńirlik qolbasshylyǵy qolbasshysynyń sheshimimen evakýasııalanǵan Kashtak, Talısa jáne Tepkashı aýyldaryna Semeıdegi 5511 áskerı bóliminiń 100-ge jýyq Ulttyq ulan sarbazdary men 8 tehnıka jumyldyryldy, dep habarlaıdy Egemen.kz.
Áskerıler aýyldarda moroderlikke jol bermeý úshin qoǵamdyq tártipti kúzetip, aýylda qalǵan keıbir turǵyndardy evakýasııalaýǵa jáne zardap shekkenderge kómek kórsetedi. Atalǵan oryndarda jaýyngerlik qyzmet Ulttyq ulan «Shyǵys» óńirlik qolbasshylyǵynyń qolbasshysy general-maıor Rústem Aqbalınniń jeke qadaǵalaýymen uıymdastyrylǵan.
Qazirgi tańda Abaı oblysyndaǵy ormannyń aýqymdy jerin jalmaǵan órt áli tolyq sóndirilmeı, mańaıda ornalasqan aýyldarǵa qaýip tóndirip tur.