Jetisý oblysynyń Aqsý aýdanynda balabaqsha býhgalteri ózine joǵary jalaqyny zańsyz tólep kelgen. Osylaısha ol 40 mln teńgege jýyq bıýdjet qarajatyn urlady degen kúdikke ilindi, dep habarlaıdy Egemen.kz Bas prokýratýraǵa silteme jasap.
Jymqyrý faktisi shtat kestesi men banktik shottardy salystyrý kezinde anyqtaldy. Onda tıisti jalaqy men naqty tólengen qarajat arasyndaǵy aıyrmashylyqtar baıqalǵan.
Osy fakti boıynsha prokýratýra Qylmystyq kodekstiń 189-baby 4-bóligi 2-tarmaǵy boıynsha sotqa deıingi tergep-tekserýdi bastady.
Isti Jetisý oblysy prokýratýrasynyń sotqa deıingi tergep-tekserý basqarmasy tekserip jatyr. Osy baptyń sanksııasy belgili bir laýazymdardy atqarýǵa nemese belgili bir qyzmetpen aınalysýǵa tyıym sala otyryp, 12 jylǵa deıin bas bostandyǵynan aıyrýdy kózdeıdi.