«Amanat» partııasynyń tóraǵasy Erlan Qoshanov Memleket basshysy Qasym-Jomart Toqaevtyń «Ádiletti Qazaqstannyń ekonomıkalyq baǵdary» atty Qazaqstan halqyna Joldaýyna partııa aktıvimen keńes ótkizdi.
Jıyndy ashqan partııa tóraǵasy Joldaý Memleket basshysynyń elimizde kezeń-kezeńimen júrgizilip jatqan aýqymdy ári mańyzdy reformalarynyń jalǵasy ekenin jáne ony tarıhı qujat dep ataýǵa bolatynyn atap ótti.
«Joldaýda ekonomıkalyq damýymyzdyń taıaý jyldardaǵy evolıýsııasy aıqyndaldy. О́te aýqymdy, naqty ári keshendi is-sharalar josparlanyp otyr. Sonymen qatar Joldaýda jurtshylyqty alańdatyp, tolǵantyp otyrǵan basqa da ózekti máseleler tolyqqandy qamtyldy. Sondyqtan partııamyz úshin bul Joldaý – strategııalyq mańyzdy qujat. Endigi kezekte aldymyzda Memleket basshysynyń jańa ekonomıkalyq saıasatyna qoldaý kórsetip, onyń sapaly oryndalýyn qamtamasyz etý maqsaty tur. «Amanat» partııasy osy maqsatty júzege asyrýdyń alǵy shebinde bolýǵa tıis», dedi ol.
Erlan Qoshanov partııalyqtardy Joldaýdy júzege asyrý úshin búkil qoǵamnyń kúsh-jigerin jumyldyrýǵa shaqyrdy. Ol Joldaýda Memleket basshysy sý men gaz tapshylyǵy, ınfraqurylymnyń tozýy, otandyq kásiporyndarǵa qoldaýdyń jetkiliksizdigi, óndiristi damytý úshin uzaqmerzimdi qarjylaı qoldaýdyń bolmaýy, agroónerkásip sektorynyń problemalary sııaqty elimizdegi birqatar ózekti máseleni qamtyǵanyn basa aıtty.
«Osy máselelerdiń barlyǵy da jurtshylyq tarapynan talaı ret kóterildi. Biz partııanyń barlyq deńgeıdegi depýtattary arqyly da, partııalyq jobalarymyz arqyly da belsendi jumys istep jatyrmyz. Aıtalyq, ótken jyly «Jer amanaty» jobasy aıasynda 5 mln gektar jer memleket menshigine qaıtarylyp, sharýalarǵa qaıta bólindi. «Aýyl amanaty» jobasy iske qosylyp, onyń aıasynda óz isin ashýǵa 2,5 paıyz jeńildikpen nesıe berilip jatyr. Prezıdent bul jobanyń qajet ekenin atap ótip, jeke qosalqy sharýashylyqtar kooperasııasyn yntalandyrýdy tapsyrdy», dedi Erlan Qoshanov. Sondaı-aq partııa tóraǵasy Memleket basshysynyń halyqtyń qarjylyq saýatyn arttyrýǵa baǵyttalǵan «Qaryzsyz qoǵam» partııalyq jobasyn qoldaǵanyn erekshe atap ótti. Endi «Amanat» osy jobany Úkimetpen birge búkil el aýmaǵynda keńeıtip, sapaly iske asyrýmen aınalysady.
Erlan Qoshanov partııaǵa qoldanystaǵy zańnamalardy jetildirý, jańa ekonomıkalyq saıasatty iske asyrýǵa baǵyttalǵan jańa retteýshi quraldardy qurý jónindegi usynystardy daıyndaýǵa atsalysýdy tapsyrdy. «О́nerkásiptik saıasat, saýda, kásipkerlik salasyndaǵy zańnamaǵa ózgerister engizý qajet. Búgingi tańda salyq jáne bıýdjet zańnamasy partııa alańdarynda qyzý talqylanyp jatyr. Ǵylym men ınnovasııa, sıfrlandyrý jáne aqparattyq tehnologııalardy damytý salasynda qosymsha retteýshi quraldardy ázirleý qajet. Prezıdenttiń bastamalaryn zańnamalyq turǵyda qoldaý – Májilistegi bizdiń fraksııanyń mindeti», dedi partııa tóraǵasy.
Is-shara barysynda Májilistiń Áleýmettik-mádenı damý komıtetiniń tóraǵasy Ashat Aımaǵambetov, Májilis depýtattary Ekaterına Smyshlıaeva men Maqsat Tolyqbaı, partııanyń Shyǵys Qazaqstan oblysyndaǵy fılıalynyń tóraǵasy Saırangúl Jumadilova men Almaty qalalyq fılıalynyń tóraǵasy Stanıslav Kankýrov sóz sóıledi.
Jıyn sońynda Erlan Qoshanov partııanyń Ortalyq apparaty men óńirlik fılıaldarynyń aldyna birqatar naqty mindet qoıdy. Atap aıtqanda, Joldaýdyń negizgi baǵyttary ortalyq jáne oblystyq deńgeılerdegi «Talqylau» jáne «Bir Tolqynda» dıalog alańdary aıasynda talqylanady. Partııa keńesteri óz usynystaryn daıyndaýy qajet. Sondaı-aq ol Joldaýda júktelgen mindetterdiń oryndalýyna barlyq deńgeıdegi máslıhattardaǵy partııanyń depýtattyq fraksııasy músheleriniń bir kisideı jumylyp, qatysýyn tapsyrdy.