Jergilikti polıseıler bul eki azamatty byltyr 9 qap marıhýanamen ustaǵan bolatyn. Samara – Shymkent tasjolynyń Qarmaqshy aýdanyndaǵy Elshibaı beketi tusynda kúndizgi jaryq shamdaryn jaqpaǵan Toyota Camry 40 avtokóligin toqtatyp tekseredi. Tekserý kezinde kóliktiń ishinen salmaǵy 42 keli 682 gramm mólsherinde esirtki tapqan edi.
Aral aýdanyna mal satyp alýǵa jol tartqan qyzylordalyq eki azamat qamalyp, atalǵan derek boıynsha sotqa deıingi tergep-tekserý áreketteri júrgizilgen. Onyń nátıjesi boıynsha qylmystyq is aıyptaý aktisimen sotqa joldandy. Qarmaqshy aýdandyq soty úkimimen esirtkini qaptap tasyǵan eki azamat ta 3 jylǵa bas bostandyǵynan aıyryldy.