«Decision Dividida» promoýterlik kompanııasynyń matchmeıkeri Kıke Rodrıges qazaq boksshysy Jánibek Álimhanuly (15-0, 10 KO) men domınıkandyq Karlos Adames (23-1, 18 KO) arasyndaǵy jekpe-jekti tamashalaý qyzyq bolatynyn aıtty, dep habarlaıdy Egemen.kz Vesti.kz-ke silteme jasap.
Aıta keteıik, 15 qazan kúni WBO jáne IBF tujyrymdary boıynsha orta salmaqtaǵy tıtýldar úshin jekpe-jekte Jánibek Álimhanuly germanııalyq qarsylasy Vınchenso Gýaltıerıdi (21-1-1, 7 KO) merziminen buryn jeńgen edi.
Tartysty doda Rozenbergte (AQSh) ótti. Jekpe-jek altynshy raýndta tehnıkalyq nokaýtpen aıaqtaldy.
«Sporttyq turǵydan alǵanda Álimhanuly men Adamestiń jekpe-jegin uıymdastyrsa tamasha bolar edi. Biraq men olarǵa tóbelesý qanshalyqty yńǵaıly ekenin bilmeımin», dedi Rodrıges.
Aıta keteıik, WBC chempıondyq belbeý Adamestiń «ýaqytsha» ıeliginde.