Áleýmettik jelide Qazaqstanda ýaqyt beldeýi ózgeretini jaıly aqparat tarady, dep habarlaıdy Egemen.kz.
Onda Qazaqstannyń batys oblystary, atap aıtqanda: Aqtóbe, Atyraý, Batys Qazaqstan, Qyzylorda, Mańǵystaý oblystary 2023 jylǵy 30 qarashadan 1 jeltoqsanǵa qaraǵan túni (saǵat 00:00-de) bir saǵat buryn astanalyq ýaqytqa aýystyrylatyny aıtylǵan.
Ekologııa mınıstrligi jelidegi aqparatqa qatysty túsinikteme berdi.
"Ekologııa jáne tabıǵı resýrstar mınıstrligi saýda jáne ıntegrasııa mınıstrligimen, sondaı-aq basqa da múddeli uıymdarmen birlesip, el aýmaǵynda ýaqytty esepteýdiń biryńǵaı tártibin belgileý máselesin pysyqtaýda. Depýtattardyń, ortalyq memlekettik organdardyń, qoǵam jáne ǵylymı uıymdardyń ókilderiniń qatysýymen jumys toby quryldy. Bul másele boıynsha sheshim qabyldanǵan joq. Sheshim máseleni egjeı-tegjeıli zerdelep, qoǵammen keńinen talqylaýdan keıin qabyldanady", - dep málimdedi vedomstvo.
Mınıstrlik Qazaqstan aýmaǵynda ýaqyt eki ákimshilik ýaqyt beldeýinde esepteletinin eske saldy: 4-shi (BQO, Aqtóbe, Atyraý, Qyzylorda, Mańǵystaý oblystary) jáne 5-shi (Astana, Almaty, Shymkent, Aqmola, Almaty, Qaraǵandy, Ulytaý, Túrkistan jáne basqa oblystar).