Úkimet aýyl sharýashylyǵy taýaryn óndirýshilerge qoldaý kórsetý úshin rezervten 30 mlrd teńge bóldi, dep habarlaıdy Egemen.kz Premer-mınıstrdiń baspasóz qyzmetine silteme jasap.
Premer-mınıstr Á.Smaıylov tıisti qaýlyǵa qol qoıdy. Endi mal ósirýshilerge sýbsıdııa boıynsha bereshekti óteýge osy qarajat jumsalady.
«Aýyl sharýashylyǵy mınıstrligine Abaı, Jetisý, Aqmola, Almaty, Shyǵys Qazaqstan, Jambyl, Batys Qazaqstan, Mańǵystaý, Pavlodar jáne Soltústik Qazaqstan oblystarynyń bıýdjetterine asyl tuqymdy mal sharýashylyǵyn damytý, ónimdilik pen ónim sapasyn arttyrýdy sýbsıdııalaýǵa nysanaly transfertter túrinde 30 mlrd teńge bólý josparlandy. Osy qaýlynyń qosymshasyna sáıkes, Aqmola oblysynyń ákimdigine eń kóp qarajat – 7,8 mlrd teńge bólindi. Jambyl oblysyna 5 mlrd teńge, ShQO-ǵa 4,5 mlrd teńge, BQO mal ósirýshilerine 1 mlrd teńge baǵyttaldy. Aýyl sharýashylyǵy mınıstrligine qajetti sharalardy qabyldaý, al Qarjy mınıstrligine bólingen qarajattyń maqsatty paıdalanylýyn baqylaý tapsyryldy», delingen habarlamada.
Bıyl Úkimet agroónerkásip keshenin sýbsıdııalaýǵa 494 mlrd teńge bólgen bolatyn.