Qazaqstanda avtokóliktiń ortasha baǵasy 2,3 paıyzǵa tómendedi, dep habarlaıdy Egemen.kz.
«Qazaqstan avtokólik odaǵy» kommersııalyq emes uıymy usynǵan aqparatqa sáıkes, qarasha aıynyń sońynda Qazaqstanda avtokóliktiń ortasha baǵasy 14 mıllıon 810 myń teńgege deıin tómendegen. Bul kórsetkish 2022 jyldyń qarasha aıynda 15 mln 160 myń teńge bolǵan edi.
Aıta ketsek, bıylǵy qarashada elimizde 17 538 jeńil jáne jeńil kommersııalyq kólik, 1 429 júk kóligi men avtobýs satyldy. Bul 2022 jylǵy qarashamen salystyrǵanda 54,1%-ǵa kóp.
2023 jylǵy qarashadaǵy jaǵdaı boıynsha Qazaqstanda eń kóp satylǵan avtomobıl brendteri:
Chevrolet (4243 avtomobıl, jylyna +35,7%); Hyundai (3605, +16,9%); Kia (2101, +22,3%); Toyota (1252, +79,4%); Chery (1218, +58,8%).Qarasha aıyndaǵy eń tanymal modelder:
Chevrolet Cobalt; Hyundai Tucson; Chevrolet Onix; Hyundai Santa Fe; Chery Tiggo 2.