Qazaqstan Respýblıkasynyń Prezıdenti Qasym-Jomart Toqaev Jańa jyldyq quttyqtaýynda barsha qazaqstandyqtardy el birligin saqtaýǵa, Otanymyzdy kórkeıtý úshin tabandy eńbek etýge shaqyrdy, dep habarlaıdy Egemen.kz aqparat agenttigi.
«Biz árbir tańǵa úmit artamyz, árbir jyldan jaqsylyq kútemiz. Al úmittiń aqtalýy, arman-maqsattyń oryndalýy ózimizge baılanysty. Eń bastysy, elimizdegi tatýlyqty, tynyshtyq pen turaqtylyqty baǵalaıyq. Birligi myqty eldiń rýhy bıik bolady. Uly Abaı aıtqandaı, birlik degenimiz – eń aldymen, aqylǵa – birlik. Memlekettigimizdi saqtaý úshin aýyzbirshiligimizdi saqtaıyq. Qasterli Otanymyzdy kórkeıtemiz desek, tabandy eńbek eteıik», - dep el halqyna úndeý joldady.
Memleket basshysy damyǵan memleket bolý úshin ozyq bilimge umtylyp, jańa tehnologııany, sonyń ishinde jasandy ıntellektini ıgerý qajettigin aıtty.
«Árdaıym bir-birimizge qamqor bolaıyq. Úlkenge – qurmet, kishige – izet kórseteıik. Balalarymyzdyń tárbıesine basa mán bereıik. Úlgi-ónege bolyp, ulaǵatty urpaq ósireıik», - dedi Prezıdent Q. Toqaev.
Memleket basshysynyń quttyqtaý sózin tolyqtaı mynaý siltemeden oqýǵa bolady.