Aqtóbede kásipkerden 35 mln teńge aqsha bopsalaǵan eki kúdikti ustaldy, dep habarlaıdy Egemen.kz.
Aqtóbe oblystyq Polısııa departamenti Ekstremızmge qarsy is-qımyl basqarmasynyń qyzmetkerleri jedel-izdestirý sharasyn ótkizý kezinde eki kúdiktini ustady. Olar Aqtóbe qalasynyń kásipkerin qorqytyp, 35 mln teńge aqsha bopsalady.
«Kúdiktiler buǵan deıin de ishki ister organdarynyń esebinde turǵan. Bul joly kásipkerden aqshanyń bir bóligin alyp jatqan kezde qolǵa tústi. Buǵan deıin jábirlenýshiden alynǵan 4 mln teńge, birneshe uıaly telefon, bank kartalary men pyshaq tárkilendi. Bopsalaý faktisi boıynsha sotqa deıingi tergep-tekserý bastaldy», dep habarlady oblystyq Polısııa departamenti baspasóz qyzmetiniń jetekshisi Erbolat Sarqulov.