Premer-mınıstr Oljas Bektenov Úkimettiń keńeıtilgen otyrysynda Memleket basshysy Qasym-Jomart Toqaev bergen tapsyrmalardy iske asyrý máseleleri jóninde keńes ótkizdi, dep jazady Egemen.kz.
Qarjy, ekonomıka mınıstrleriniń baıandamasynan soń Oljas Bektenov respýblıka kóleminde asa mańyzy joq máselelerge bıýdjet qarajatyn shyǵyndaýdy shekteý kerek ekenin aıtty.
«Qarjy mınıstrligi 10 kún ishinde respýblıkalyq bıýdjetke jáne bir aı ishinde jergilikti bıýdjetterdiń barlyǵyna revızııa júrgizip, asa mańyzy joq shyǵystardy aıtarlyqtaı qysqartýy tıis. Eshkim de aqshany orynsyz shashpaýy kerek», dedi Oljas Bektenov.
Conymen qatar Premer-mınıstr Salyq kodeksiniń jobasyn qaıta jazyp, onyń fılosofııasyn ózgertý máselesin ortaǵa saldy. Ol Salyq kodeksine ózgerister engizý barysynda qujatty daıyndaýdy tolyq sıfrlandyryp, salyq jeńildikterin berý máselesin retteýdi eskertti.
«Sarapshylar men bıznes qoǵamdastyqtarynyń pikirlerin eskerý qajet. Salyq kodeksi bıznestiń belsendi bolýyna jaǵdaı jasap, ony ulǵaıtýǵa yntalandyrýy kerek», dedi Úkimet basshysy.