Májilistiń jalpy otyrysynda depýtat Amanjol Áltaı dástúrli otbasy ınstıtýtyndaǵy erlerdiń bedeline qatysty Ishki ister mınıstrligi men Mádenıet jáne aqparat mınıstrliginiń ókilderine depýtattyq saýalyn joldady. Qoǵamda áıelinen qysym kóretin er azamattardyń da quqyǵy taptalmaýy kerek ekenin aıtty, dep jazady Egemen.kz tómengi Palatanyń baspasóz qyzmetine silteme jasap.
«Anasyn ardaqtaǵan, arýyn aıalaǵan, ata-anaǵa qurmetpen qaraǵan halyqtyń ókilimiz. Otbasy – óte kúrdeli ınstıtýt. О́kinishke qaraı, qazirgi qoǵamda túrli keleńsizdikter baıqalyp jatyr. Solardyń sanatynda óziniń er azamatynan qorlyq kórgen áıel ǵana emes, áıel zatynan qysym kóretin erkekter de barshylyq. Sonymen birge óziniń qartaıǵan shaǵynda balalary soqqyǵa jyǵatyn qart ata-analar da jeterlik. Biz «ákemmen aqyldasaıyn, ákemnen suraıyn» degen túsinigi bar býyn edik. Qazir «anam biledi, anamnan suranaıyn, anam sheshedi» deıtin balalar kóbeıip bara jatyr.
Keshe ǵana Qaraǵandyda bolǵan 78 jastaǵy keıýanany óziniń uly uryp-qorlaý deregi bileginen ál ketip, boıynan qýat ketken shaǵynda týǵan balasynan zorlyq-zombylyq kóretin ata-analar da kóbeıip bara jatqanyn aıqyndaıdy. Sondyqtan qoǵamdaǵy er azamattardyń jáne ata-analardyń quqyǵyn qorǵaý máselesi sheshimin tabýy tıis», dedi A.Áltaı.
Depýtat óz saýalynda Mádenıet jáne aqparat mınıstrliginiń ókilinen aqparattyq keńistikte qazaqtyń jigitterin, er azamattaryn ez etip beıneleıtin, qorqaq, jaltaq etip sıpattaıtyn túrli kontentterdiń artýy, komedııalyq janrdaǵy fılmderdiń kóbeıýi neniń áseri ekenin surady.