Kún saıyn megapolıste myńǵa jeteqabyl naýqas aýrýhanaǵa jedel jetkizilip, sát saıyn kúrdeli operasııa jasalynyp jatady. Alaıda keıde dárigerlerge asa kúrdeli operasııalardy nemese bir naýqasqa birneshe operasııany qatar jasaýǵa týra keledi. Osy joly Almatydaǵy Pedıatrııa jáne balalar hırýrgııasy ǵylymı ortalyǵynyń hırýrgteri ydys jýatyn hımııalyq tazartqyshty iship qoıyp, tamaǵy qatty kúıip qalǵan úsh jasar qyzdyń óńeshin toqishegimen almastyrdy.
О́kinishke qaraı, ata-anasy, úıdegi eresek adamdar qaýipti hımııalyq, ystyq nemese turmystyq zattardy durys saqtamaýdyń saldarynan kishkentaı balalardyń tamaǵy, asqazany kúıip qalatyn oqıǵalar az emes. Osynyń kesirinen balalardyń 70-80%-da óńesh tyrtyǵy paıda bolyp, tarylady. О́ńesh tyrtyǵy tarylǵan balalarǵa alǵashqy kezde gastrostoma salynyp, jippen, arnaıy býj arqyly uzaq ýaqyt súmbileıdi. Biraq 20-30% jaǵdaıda óńesh boıy túgel tyrtyqtanǵandyqtan, súmbileý ádisin qoldaný qıyn. Osynyń saldarynan keıbir balalar múgedektikke dýshar bolsa, keıde kóz jumatyn kezderi de bolady.
Al jyl saıyn Pedıatrııa jáne balalar hırýrgııasy ǵylymı ortalyǵyna elimizdiń ár óńirinen óńeshine zaqym kelgen 100-den asa bala kelip túsedi. Sol sııaqty jýyrda Pedıatrııa jáne balalar hırýrgııasy ǵylymı ortalyǵyna Qyzylorda oblysynan «óńeshtiń kúıikten keıingi tyrtyqty tarylýy» dıagnozymen 3 jasar qyz bala shuǵyl jetkizilgen edi. Esi kirmegen sábı «Chıstyı kazan» degen suıyqtyqty iship qoıǵan. Kúıikten balanyń óńesh sańylaýy tolyǵymen tyrtyqtanyp qalǵandyqtan, bastapqyda ol ishtiń aldyńǵy qabyrǵasynan shyǵarylǵan asqazandaǵy arnaıy tútik arqyly tamaqtandyrylǵan. Sondyqtan klınıkada óńeshti tolyǵymen toq ishekpen almastyrý operasııasyn jasaýǵa týra keldi. Jylyna orta eseppen dál osyndaı 6-7 operasııa ártúrli ádisti qoldana otyryp jasalady.
Bul operasııanyń biregeıligi – mamandar as ótpeıtin óńeshti toq ishekpen almastyrdy. Operasııa 6 saǵatqa sozylyp, toq ishektiń bir bóligi keýde qýysy arqyly júrgizilip, moıyndaǵy óńeshtiń jutqynshaq bóligimen jalǵastyryldy. Mundaı operasııalar zergerlik dáldik pen úlken mashyqty talap etetindikten, operasııany úsh birdeı bilikti hırýrg – hırýrgııa bóliminiń meńgerýshisi Móldir Qalabaeva, Nurjan Aflatonov pen Nyshanbek Shylanbaev jasady.
Qazirgi tańda Madına esimdi kishkentaı pasıenttiń densaýlyǵy durystaldy, dárigerlerdiń josparly baqylaýynda tur. О́ńeshtiń qyzmetin endi toq ishektiń bir bólshegi atqara alatyndyqtan, ózdiginen tamaqtana alady.
Jalpy, jyl saıyn Pedıatrııa jáne balalar hırýrgııasy ǵylymı ortalyǵynda elimizdiń ár óńirinen kelgen, as qorytý joldarynda týabitti men jáne júre kele paıda bolǵan aýrýlary bar 400-den asa balaǵa kúrdeli operasııa jasalady. Mamandar turmystyq hımııalyq zattardyń durys saqtalmaýynan, esi áli kirmegen balalar iship qoıyp, joǵarydaǵydaı aýyr dıagnozdarǵa dýshar bolyp jatqanyn aıtady.
ALMATY