Qazaqstan qor bırjasy (KASE) 15:30-daǵy jaǵdaı boıynsha dollardyń ortasha saralanǵan baǵamy 2,21 teńgege qymbattap, 451,31 teńgeni quraǵanyn málimdedi, dep habarlaıdy Egemen.kz.
Qytaı ıýaniniń ortasha saralanǵan baǵamy da kóterilip, 62,59 teńgeni (+0,42) qurady.
Ulttyq bank eýro baǵamyn 487,09 teńge, rýbldi 4,89 teńgege belgiledi.
Dál qazir eldegi aqsha aıyrbastaý oryndarynda dollar 450,9-452,7 teńgege, eýro 488-491 teńgege, reseı rýbli 4,81-4,89 teńgege satylyp jatyr.
Budan bólek, búgingi aýksıonda munaıdyń álemdik baǵasy tómendegeni baıqalyp otyr.
Máselen, ICE Futures elektrondyq saýdasynda mamyr aıyndaǵy Brent fıýchersteriniń quny 0,80%-ǵa arzandap, barreline 82 dollardy qurady.
Al NYMEX elektrondyq saýdasynda WTI munaıynyń sáýirdegi fıýchersteri 0,81%-ǵa tómendep, barreline 78,23 dollardy qurady.