Áleýmettik jelide baıqaýdyń marapattaý rásimi aqyly túrde ótetini, quny 25 myń teńge turatyny týraly habar tarap, ata-analardyń narazylyǵyn týdyrdy, dep jazady Egemen.kz.
Jelide taraǵan aqparatqa sáıkes, olımpıadada jeńiske jetken oqýshylar 25 myń teńgeden ótkizýi kerek. Bul aqshaǵa jeńimpazdyń dıplomy, tósbelgisi, oǵan qosa oqýshyny daıyndaǵan muǵalimge, ata-anasyna alǵys hat jiberiletini jazylǵan. Demek, marapattyń bárin oqýshy «satyp alýy qajet».
Oqý-aǵartý mınıstrliginiń baspasóz qyzmeti bul aqparatqa baılanysty pikir bildirdi.
Vedomstvo ókilderi usynǵan derekterge qaraǵanda, Qazaqstanda resmı túrde aýyl oqýshylaryna arnalǵan kelesi olımpıadalar bar:
aýyl mektepteriniń 9-11(12) synyp oqýshylaryna arnalǵan jalpy bilim beretin pánder boıynsha respýblıkalyq olımpıada; aýyl mektepterine arnalǵan «Myń bala» ulttyq zııatkerlik olımpıadasy jáne IQanat Olımpıadasy.Mınıstrlik tizimde kórsetilgen baıqaýlar tegin ótkiziletinin alǵa tartty. Aıta ketsek, jelide daý týdyrǵan «Daryndy 1000 bala» atty respýblıkalyq baıqaý tizimnen kórinbedi.
Foto: Kozachkov Telegram-arnasy
«Aýyl oqýshylary arasyndaǵy «Daryndy 1000 bala» olımpıadasy № 514 buıryqqa enbegen jáne resmı is-shara emes ekenin habarlaımyz. Oblystyq bilim basqarmalaryna muǵalimder men ata-analarǵa túsindirý jumysyn júrgizý tapsyryldy», vedomstvo habarlamasynda.