Paraqtar Sırek kitaptar men qoljazbalar qorynan tabylǵan, dep habarlaıdy Egemen.kz.
Bul týraly muratanýshy Ádilet Ahmetuly málimdedi. Buǵan deıin zertteýshiler bul eńbektiń tolyq emes nusqasyn oqyp kelgen edi.
- Ahmet Baıtursynulynyń "Ádebıet tanytqyshynyń" sońǵy betteri tabyldy. Jádiger muranyń sońǵy betteri jyrtylmaǵan nusqasy Qazaqstan Respýblıkasy Ulttyq kitaphanasynyń Sırek kitaptar men qoljazbalar qorynda bolyp shyqty. Buǵan deıin alashtanýshy ǵalymdar, olardyń izin basqan jastar san ret shıyrlaǵan qazynaly qordan arnaıy izdegende tabylmaı, kezdeısoq ushyrasyp qalǵanyna ózimiz de tańbyz, – dep jazdy ǵalym.
Onyń sózinshe, joǵalǵan paraqtar sany ekeýmen shekteledi. Ahmet Baıtursynuly osy eki paraqta "Aıtys-tartysqa" jatatyn bes ataýdy qysqasha ǵana tanystyrǵan.
Búginde bul nusqa Qazaqstannyń ulttyq elektrondy kitaphana saıtyna júktelgen.