21-22 naýryzda Shymkentte qoǵamdyq kólikter aqysyz qyzmet kórsetedi. Mereke kúnderi qala turǵyndary men qonaqtary avtobýstarda tegin júre alady, dep jazady Egemen.kz.
Shymkent qalalyq ákimdigi Naýryz meıramyna oraı qalada myńǵa tarta qoǵamdyq kólik 77 baǵytta jolaýshylardy tasymaldaıtynyn habarlady.
Sondaı-aq áleýmettiń birneshe tobyna merekelik bir rettik qarjy aýdarylady.
«Naýryz merekesine oraı 18 jasqa deıingi jetim balalar men ata-anasynyń qamqorlyǵynsyz qalǵan balalarǵa 20 AEK, al qaza tapqan áskerı qyzmetshilerdiń otbasylary men 18 jasqa deıingi múgedektigi bar balalarǵa 5 AEK mólsherinde jyl saıynǵy bir rettik áleýmettik kómek beriledi», delingen Shymkent qalasy ákimdiginiń baspasóz qyzmeti taratqan habarlamada.