2014 jyly Jasóspirimder olımpıadasynda 54 kg salmaq dárejesinde erkin kúreste top jarǵan Muhambet Qýatbek ómirden ótti. Keıingi jyldary AQSh-ta turǵan balýan belgisiz jaǵdaıda qaza tapqan. Bul týraly sport jýrnalısi Danııar Kárimjan jazdy, dep habarlaıdy Egemen.kz.
Muhambet Qýatbek Jasóspirimder olımpıadasyna alǵash ret 2013 jyly qatysty. Bul joly ol 13-orynnan kóringenmen, kelesi jyly Nankınde ótken olımpıadada júldeger atandy. 2016 jyly 55 kg salmaqta jasóspirimder arasynda Azııa chempıony boldy.
16 naýryz kúni Muhambet Qýatbek AQSh-ta kóz jumdy. Elshilik sportshynyń denesin elge ákelý isin qolǵa aldy.
«Muhambet balýan 16 naýryz kúni AQSh-ta kóz jumdy. Ol sońǵy eki jylda Fıladelfııada turǵan. Onyń neden qaıtys bolǵany belgisiz», dedi jýrnalıst Danııar Kárimjan.
Qaraly habardy Qazaqstan kúres federasııasynyń baspasóz hatshysy Aspandııar Esenjolov ta resmı túrde rastady.
«О́kinishke qaraı, osyndaı habar alyp otyrmyz. Táýelsiz Qazaqstan tarıhynda erkin kúresten jasóspirimder Olımpıadasynda top jarǵan balýanymyz Muhambet Qýatbek ómirden ótti. Týystary men ata-anasyna qaıǵyra kóńil aıtamyz. 27 jastaǵy balýan sońǵy jyldary AQSh-ta ómir súrdi», dedi Aspandııar Esenjolov.