Májilis kýlýarynda Parlament Májilisiniń depýtaty Ashat Aımaǵambetov qazir IT sektory men jasandy ıntellekt mátininde qazaq tilin damytý óte mańyzdy ekenin aıtty, dep habarlaıdy Egemen.kz.
Búgin Májiliste jasandy ıntellektti damytý men qoldanýdy quqyqtyq retteý máselelerine arnalǵan jıyn ótti.
«Shartty túrde, Siri, Alısa nemese basqa júıeler qazaq tilinde sóıleýi úshin ne kerek? Qazaq tilindegi sózderdi qoldaný turǵysynan úlken kólem qajet. Bir sóz bes júz nemese myńdaǵan túrli kontekste qoldanylýy múmkin, onda mashına, algorıtmdi túsiný kerek. Sondyqtan bul úlken jumys», dedi depýtat jýrnalısterdiń suraǵyna jaýap bere otyryp.
Onyń aıtýynsha, búginde úkimet te, joǵary oqý oryndary da bul baǵytta jumys istep jatyr.
«Biz qazaq tilin tanymal etýimiz kerek, qazaq tilin ǵylym tiline aınaldyrýymyz kerek, ol úshin jasandy ıntellekt júıeleri qazaq tilin jaqsy túsinip, ony qoldanýy kerek», dep túsindirdi Aımaǵambetov.