Memleket basshysy Qasym-Jomart Toqaev Qazaqstan men О́zbekstan Úkimetteri arasyndaǵy azamattardyń ózara saparlarynyń sharttary týraly kelisimge engizilgen ózgerister týraly zańǵa qol qoıdy, dep habarlaıdy Egemen.kz Aqordanyń baspasóz qyzmetine silteme jasap.
«Memleket basshysy «2000 jylǵy 7 shildedegi Qazaqstan Respýblıkasynyń Úkimeti men О́zbekstan Respýblıkasynyń Úkimeti arasyndaǵy Azamattardyń ózara saparlarynyń sharttary týraly kelisimge ózgerister engizý týraly hattamany ratıfıkasııalaý týraly» Qazaqstan Respýblıkasynyń Zańyna qol qoıdy», delingen Aqorda habarlamasynda.
Zańnyń maqsaty – eki el arasyndaǵy dostyq qatynastardy odan ári damytý, azamattardyń saparlaryn retteý, sondaı-aq bir memleket adamdarynyń ekinshi memlekettiń aýmaǵynda bolýyna qolaıly jaǵdaı jasaýǵa quqyqtyq negiz qalyptastyrý bolyp tabylady.
«Qujatta taraptar azamattarynyń ózge elde bolý kezeńi shekaradan ótken sátten bastap 30 kúnnen aspasa, onda sol eldiń aýmaǵynda quzyretti organdarda tirkelmeı bolýdyń ońaılatylǵan tártibi kózdelip otyr. Osylaısha, eki memleket azamattardyń óz aýmaqtarynda ýaqytsha tirkeýsiz júrýdiń merzimin 5 kúnnen 30 kúnge deıin ulǵaıtty», delingen 2024 jylǵy 21 aqpandaǵy Senat talqysynda.