Qaıǵyly oqıǵa Jańaózen qalasyndaǵy tas jolda boldy. Aldyn ala boljam boıynsha, kólik joldan shyǵyp, aýdarylyp ketken. Apat saldarynan eki adam alǵan jaraqattarynan kóz jumdy, taǵy bir adam Jańaózen aýrýhanasyna jetkizildi, dep habarlaıdy Egemen.kz oblystyq densaýlyq saqtaý basqarmasynyń baspasóz qyzmetine silteme jasap.
Oblystyq densaýlyq saqtaý basqarmasynyń málimetine sáıkes, jedel járdemge qońyraý keshe, 21 sáýir kúni saǵat 17:43-te túsken.
«Oqıǵa ornyna eki jedel járdem brıgadasy shaqyryldy. Zardap shekken bir adam Jańaózen aýrýhanasyna jatqyzyldy. О́kinishke qaraı, apat saldarynan eki adam kóz jumdy. Olardyń biri oqıǵa ornynda, ekinshisi jedel járdem kóliginde jan tapsyrdy», dep habarlady vedomstvonyń baspasóz qyzmeti.