Memleket basshysy Qasym-Jomart Toqaev elimizdegi sý tasqyny saldaryn joıý jáne zardap shekken azamattarǵa kómek kórsetý úshin qarjyny únemdeý maqsatynda elimizde ótetin ımıdjdik jáne basqa da iri is-sharalardy ótkizbeýdi jáne keıinge shegerýdi tapsyrdy. Sonyń ishinde osy jyldyń kúzinde ótýi tıis bolǵan «Bolashaqtyń oıyndary» da bar, dep jazady Egemen.kz.
Bıyl kúzde ótetin 5-shi Dúnıejúzilik kóshpendiler oıyndaryn ótkizý shyǵyndaryn ońtaılandyrý, «Bolashaqtyń oıyndary» halyqaralyq mýltısport týrnırin uıymdastyrý jáne ótkizý boıynsha daıyndyq jumystaryn 2025 jyldan 2026 jylǵa aýystyrý týraly sheshim qabyldandy. Bul týraly Týrızm jáne sport mınıstrligi habarlady.Aıta keteıik, bıyl aqpan aıynda Prezıdent Tatarstannyń Qazan qalasynda ótken «Bolashaqtyń oıyndary» básekesiniń ashylý saltanatyna qatysyp, kelesi jylǵy mýltısport týrnıri Qazaqstanda ótetinin málimdegen edi. Oıyndar sıfrlyq jáne klassıkalyq sportty biriktiretin 21 ınnovasııalyq fıdjıtal baǵdarlama boıynsha ótti. Qazaqstan oıynshylary men komandalary sporttyń 13 túri boıynsha saıysqa tústi.
Tatarstanda ótken týrnırde elimizdiń 48 ókili baq synady.