Bul týraly Túrkistan oblystyq densaýlyq saqtaý basqarmasy habarlady. 7 mamyr kúni belgisiz bireý náresteni perzenthana mańyna tastap ketken, dep jazady Egemen.kz kazinform.kz-ke silteme jasap.
Belgisiz adam shala týǵan sábıdi №2 oblystyq perınataldyq ortalyqqa tastap ketken. 20-21 aptalyq qyzdyń óli denesi qorapshada bolǵan.
«Oqıǵa 7 mamyr kúni saǵat 21:00 shamasynda boldy. Náreste tabylǵan soń birden polısııa qyzmetkerleri shaqyryldy. Oqıǵa bolǵan jer tekserilip, sot-medısınalyq saraptamaǵa taǵaıyndaldy», delingen Túrkistan oblystyq densaýlyq saqtaý basqarmasy taratqan habarlamada.