Halyqaralyq shaı kúnine arnalǵan qysqa ǵana beınejazba áleýmettik jelilerde tarap ketti, dep jazady Egemen.kz.
Bul beınejazba AQSh-tyń Qazaqstandaǵy elshiliginiń Instagram-paraqshasynda jarııalanǵan.
BUU Bas Assambleıasynyń 2019 jylǵy jeltoqsandaǵy qararymen 21 mamyr - Halyqaralyq shaı kúni (International Tea Day) dep bekitilgen. Al Qazaqstanda shaı eń tanymal sýsyn sanalady.
Qysqa beınerolıkte AQSh-tyń Qazaqstandaǵy elshisi Denıel Rozenblıým Astanada qonaqtardy qalaı qarsy alǵany, sodan keıin iskerlik kezdesýden keıin shyǵaryp salǵany kórsetiledi. Ári qaraı ol elimizdiń kez kelgen azamatyna túsinikti sóz tirkesin aıtady.
- Al endi ózimiz otyryp, shaı isheıik, - deıdi Denıel Rozenblıým kúlimsirep.
Elshilik Qazaqstanda shaıdyń jaı sýsyn emes ekenin atap ótti.
- Bul qonaqjaılylyq, dostyq pen dıplomatııanyń sımvoly. Halyqaralyq shaı kúni qutty bolsyn! – dep quttyqtaıdy elshilik.
Jazbaǵa qazaqstandyqtar túrli pikir qaldyryp, bul jaqsy úrdis ekenin aıtqan.