Negizi ónertabystar adam ómirin jeńildetý úshin jasalýy kerek. Álbette, barlyǵy nıetke baılanysty. Al «sóıleıtin qolǵap» jasap shyǵarǵan myna balalardyń kóńili appaq eken.
Fam Thıen men Hoang Mıng sóıleı almaıtyn adamdarǵa arnap qolǵap jasady. Qolǵap saýsaq qımyldaryn sózge aınaldyrady ári dybystaıdy. Tipti aǵylshyn tiline aýdaryp ta beredi. Kádimgi qolǵaptan aýmaıtyn qurylǵy erekshe jandardyń bir-birimen erkin qarym-qatynas jasaýyna kómektesedi.
Gınneske engen muǵalim
Shákirtteri matematıkadan halyqaralyq olımpıadada 2413 medal alǵan otandasymyz bar. Ol – Mýammer Gúl.
Erekshe muǵalimniń sabaq berip júrgenine bıyl – 30 jyl. Aqtóbede 14 jyl qyzmet etip, keıin Astanaǵa aýysqan. Onyń shəkirtteri matematıkadan 824 altyn, 390 kúmis, 1199 qola júlde alǵan. «Biz olımpıadada eń jaqsy nətıjeni 2001 jyly kórsettik. Sol jyly Amerıkadaǵy IMO-ǵa Aqtóbeden úsh oqýshymyz qatysyp, úsheýi de altyn aldy. Negizinde odan altyn alý qıyn. Əlemde bizdiń balalar kórsetken nətıjege osy ýaqytqa deıin eshkim jete qoımady. Bul jetistigimiz Gınnestiń rekordtar kitabyna tirkeldi», deıdi ol.
Eń kishkentaı qala
Hým – 25 turǵyny ǵana bar erekshe qala. Horvatııadaǵy Istrııa túbegi tóbeleriniń birinde ornalasqan. Baıaǵyda bekinis bolǵan desedi.
Hým ornalasqan tóbeniń eń bıik núktesi – teńiz deńgeıinen 350 metr bıiktikte. Bir qyzyǵy, Hým qala mártebesin orta ǵasyrlarda alǵan. HH ǵasyrda shamamen 450 adam ómir súrgen, al qazir jergilikti turǵyndar sany 25-ten aspaıdy. Qalada aptasyna eki ret jumys isteıtin dúken, eki shirkeý, kúnine úsh ret qatynaıtyn avtobýs, eki kóshe, kishigirim meıramhana, 16 kóshe jaryǵy, 13 úı bar.