Kólik mınıstrligi apparaty basshysynyń buıryǵymen Darhan Qatyshev Azamattyq avıasııa komıteti tóraǵasynyń orynbasary qyzmetine taǵaıyndaldy, dep jazady Egemen.kz.
Qatyshev Darhan Maratuly 1983 jyly Aqmola oblysy, Ereımentaý qalasynda dúnıege kelgen. 2020 jyly Qazaqstan Respýblıkasynyń Azamattyq avıasııa akademııasyn «Avıasııalyq ınjener-tehnolog» mamandyǵy boıynsha, 2004 jyly Qazaqstan Respýblıkasy Ishki ister mınıstrliginiń Qostanaı zań ınstıtýtyn «quqyqtaný» mamandyǵy boıynsha bitirgen. Qazaqstan Respýblıkasy Prezıdentiniń janyndaǵy Memlekettik basqarý akademııasynyń túlegi.
Eńbek jolyn 2004 jyly QR Ishki ister organdarynda bastaǵan. 2008-2009 jyldary QR Kólik jáne kommýnıkasııa mınıstrliginiń Zań departamentinde sarapshy, bas sarapshy, 2009-2019 jj. QR Indýstrııa jáne ınfraqurylymdyq damý mınıstrligi Azamattyq avıasııa komıtetiniń avıasııalyq qaýipsizdik basqarmasynyń basshysy, 2019-2023 jyldary «Qazaqstannyń avıasııalyq ákimshiligi» AQ Avıasııalyq qaýipsizdik departamentiniń dırektory bolyp jumys istedi.
2023 jyldyń tamyz aıynan bastap qazirgi ýaqytqa deıin QR Kólik mınıstrliginiń Kóliktegi oqıǵalar men oqys oqıǵalardy tekserý departamentiniń dırektory qyzmetin atqardy.