Astana qalasyndaǵy Nazarbaev Zııatkerlik mektebiniń oqýshysy Ernar Talǵat AQSh-tyń Nıý-Iork qalasynda ótken Neo Science GRAND FINAL halyqaralyq olımpıadasynda jeńimpaz atandy, dep habarlaıdy Egemen.kz.
Neo Science Olympiad – oqýshylardyń ǵylym salasyndaǵy bilimin arttyrýǵa baǵyttalǵan bedeldi jahandyq is-shara. Platforma balalarǵa básekege qabilettilik jáne álemdik deńgeıdegi máselelerdi sheshý daǵdylaryn damytýdy kózdeıdi, sondaı-aq túrli memleketten jınalǵan zamandastarymen birlesip jumys isteýge múmkindik beredi.
Olımpıada qatysýshylary kodtaý, matematıka jáne ǵylym baǵyttary boıynsha baq synasty. Jarystyń qorytyndysy boıynsha Ernar coding final, coding Grand final, AI challenge sanattarynda úsh altyn medal, science baǵyty boıynsha kúmis medal enshiledi.
Maýsym aıynda Nıý-Iorkte uıymdastyrylǵan olımpıadanyń fınaldyq kezeńinde AQSh, Avstrııa, Bosnııa jáne Gersegovına, Germanııa, Kosovo, Lıtva, Fılıppın, Qatar, Rýmynııa, BAÁ, Vetnam jáne basqa da elderden kelgen qatysýshylar baq synady.
Eske sala keteıik, qańtar aıynda Ernar olımpıadanyń birinshi onlaın kezeńinen sátti ótti. Coding sanatynda birinshi oryndy ıelenip, Avstrııa men О́zbekstan ókilderimen birge úzdik úshtik qataryna engen edi.