13 shildege qaraǵan túni Jánibek Álimhanuly emdelýge jatqan AQSh-taǵy medısınalyq ortalyqtan shyqty, dep habarlaıdy Egemen.kz
Las-Vegas qalasynda ornalasqan Spring Valley medısınalyq ortalyǵynda bolǵany týraly boksshy Instagtam-daǵy paraqshasynda jazdy.
- Ár qıyndyq artynda jeńildik bar! Salmaq qýý barysyndaǵy synaqty da bastan ótkizip jatyrmyz, aǵaıyn! Ýaıymdap jatqan janashyr jannyń bárine kóp raqmet! Allaǵa shúkir, aýrýhanadan shyqtyq. Densaýlyq birinshi orynda! Aýyrmańyzdar, jaqyndaryńyz aýyrmasyn! Biz jaýyngermiz ǵoı, mundaı synaqtar bizdi syndyrmaıdy, shyńdaıdy! Buıyrtsa áli talaı álemge qazaq stılin kórsetemiz! Qoldaýlaryńyzǵa raqmet!, - delingen jazbada.
5 shildede Jánibek Álimhanuly aldaǵy jekpe-jekke qalaı daıyndalyp jatqanyn kórsetip, jelide vıdeo jarııalaǵan bolatyn. Sodan keıin ol barshaǵa jyldyń eń úzdik nokaýtyn kórsetetinin málimdedi. Biraq Jánibek Álimhanuly jańa zelandııalyq sportshy Andreı Mıhaılovıchpen bolatyn jekpe-jek aldynda, 12 shildede AQSh-ta aýrýhanaǵa túsip qaldy.