Senat depýtaty Aıgúl Qapbarova Shymkent qalasynda qoljetimdi turǵyn úı qurylysynyń barysymen tanysyp, turǵyn úı júıesin jetildirý tetikterin turǵyndarmen birge talqylady. Aqjaıyq jáne Bozaryq shaǵyn aýdandarynda 1 176 páteri bar 35 turǵyn úıdiń qurylysy aıaqtalyp keledi.
«Bul úılerdi gazben, sýmen, elektrmen jáne kárizben qamtamasyz etý respýblıkalyq bıýdjetten tolyq qarjylandyrylmaǵany negizgi másele bolyp otyr. Eger ınjenerlik ishki júıelerdiń qurylysy ýaqytynda aıaqtalmasa, bul turǵyn úıdi kútip otyrǵan azamattarǵa páterlerdi bólýdiń keshigýine, sondaı-aq jergilikti bıýdjetke satýdan túsetin túsimderdiń bolmaýyna ákelýi múmkin», dedi A.Qapbarova.
Shymkentte azamattardy turǵyn úımen qamtamasyz etý asa mańyzdy másele bolyp otyr. Búgingi tańda kezekte 51 myńnan astam adam turady, olardyń 30 myńǵa jýyǵy – halyqtyń áleýmettik osal toptary men kópbalaly otbasylar. Sonymen qatar «Otbasy bankte» áleýmettik turǵyn úı alý úshin 175 myńnan astam jınaqtaýshy shot ashyldy.
Senator jergilikti turǵyndarmen kezdesken kezde Memleket basshysy ótken jyly halyqtyń áleýmettik osal toptaryn qamtamasyz etý úshin qoljetimdi nesıege beriletin turǵyn úı qurylysyn ulǵaıtýdy tapsyrǵanyn atap ótti. Kezdesýde sonymen qatar mektep salý jáne jeke menshiktegi paıdalanylmaǵan jerlerdi qaıtarý máseleleri talqylandy. Senator jergilikti turǵyndardyń ótinishteri men usynystaryn tyńdaı kelip, aıtylǵan barlyq máseleler qaraý jáne sharalar qabyldaý úshin tıisti memlekettik organdarǵa beriletinin atap ótti.