Oblys ortalyǵynan jyraq ornalasqan shaǵyn eldi mekenderdi saqtap qalýdyń birden bir joly – jańa nysandar salyp, turǵyndardyń tilegin oryndaý. Osy rette Alakól aýdanyna qarasty Qońyr aýylynda talaı jyl jurtqa arman bolǵan medısına kesheni boı kóterdi. Sóıtip, jumys izdegen mamandarǵa da qyzmet tabyldy.
Qońyrdaǵy qýanyshty kózben kórip, kóńilge toqyǵan adam turǵyndardyń qýanyshyn alystan túsinedi. Sebebi buǵan deıin qajetti medısınalyq jabdyqtar bolmaǵan soń aýyl halqy aýdan ortalyǵyn jaǵalaıtyn. Tipti qala kezip ketetinder de bolǵan. Endi olar jańadan salynǵan blok-modýldi medısınalyq nysanda qajetti em-domyn ala alady. Sondyqtan qońyrlyqtar ǵımarattyń ashylýyn sán-saltanatpen ótkizdi. Bıyl ǵana qurylysy aıaqtalǵan mekeme endi halyqtyń ıgiligi úshin jumys isteıdi.
Qońyr aýylynyń turǵyndary buǵan deıin shırek ǵasyr buryn salynǵan eski ǵımaratta qaralyp, dertine daýany sol jerden izdeıtin edi. Tozyǵy jetken nysannyń ornyna jańasy salynsa degen kóptiń tilegi bul kúni qabyl boldy. Endi aýdan ortalyǵynan 78 shaqyrymda ornalasqan eldi mekenniń óz medısınalyq mekemesi bar. Aýyldaǵy halyq sany 706 adamdy quraıdy.
«Bas aýyrsa da, baltyr syzdasa da aýdanǵa asyǵyp, kólik izdegen aýyl turǵyndary bul máseleni kópten aıtyp júr. Biz búginge deıin shaǵyn bólmesi bar eski ǵımaratta dárigerdiń qabyldaýynda bolyp keldik. Onda jatyp emdelýge múmkinshilik múldem bolmady. Al qazir zaman talabyna saı medpýnkt ashylyp jatqanyna dán rızamyz. Ásirese zeınetkerlerge qolaıly boldy. Aýylymyz kórkeıip jatyr», dedi aýyl aqsaqaly Baıdolda Ermýsın.
Saltanatty ashylý rásiminde aýdan ákiminiń orynbasary Máýlen Tóleýjanov aýyl turǵyndaryn quttyqtady. Medpýnkttiń lentasy Eńbek ardageri Qanapııa Tastanbekovtiń batasymen qıylyp, mekeme óz jumysyn bastady.
Aıta keteıik, blok-modýldi medısınalyq nysan Alakól aýdany ákimi apparatynyń tapsyrysy negizinde merdiger «QazDamuConstruction» JShS 33 mln teńgege salǵan. Ǵımarattyń jalpy aýmaǵy 103 sharshy metrdi quraıdy. Atalǵan ǵımaratta 6 bólme bar. Tolyqtaı zamanaýı medısınalyq qural-jabdyqtarmen qamtylǵan. Bir mezette 15 emdelýshige alǵashqy medısınalyq kómek kórsete alady. Turǵyndarǵa alǵashqy medısınalyq-sanıtarlyq kómek, ekpe egý, skrınıng, akýsherlik jáne EKG apparatyna júrekqaǵysyn tekserý, jedel jáne shuǵyl medısınalyq kómek qyzmetterin kórsetedi. Mekemede shtattyq birlikke sáıkes 3 qyzmetker qyzmet etedi.
Byltyrdan beri Alakól aýdanyndaǵy eldi mekenderde zamanaýı úlgidegi 1 feldsherlik akýsherlik pýnkt, 2 medısınalyq pýnkt, 3 blok-modýldi keshen salynyp, halyq ıgiligine berilgen edi. Jetisý oblysynda densaýlyq saqtaý salasyndaǵy ınfraqurylymdy damytý maqsatynda bıyldyń ózinde 94 nysan turǵyzylady. Sonyń 59-y «Aýylda densaýlyq saqtaýdy jańǵyrtý» ulttyq jobasy sheńberinde júzege asty. Sol qatarda dárigerlik ambýlatorııa, feldsherlik-akýsherlik pýnkt, medpýnkt bar. Bul rette nysandardyń 27-si – blok-modýldi.
Jetisý oblysy