Qaraǵandy oblysynyń kámeletke tolmaǵan turǵyny ınternet arqyly Qyzyl kitapqa engen dala búrkitin satpaq bolǵan, dep habarlaıdy Egemen.kz Polisia.kz-ke silteme jasap.
Áleýmettik jelilerge monıtorıng jasaý kezinde Qaraǵandy oblysy Osakarov aýdandyq Polısııa bóliminiń qyzmetkerleri Qyzyl kitapqa engen dala búrkitin 400 myń teńgege satý týraly habarlandyrýdy baıqaǵan. Polıseıler habarlandyrýdyń avtory 17 jastaǵy turǵyn ekenin anyqtaǵan. Jasóspirim qusty daladan taýyp alǵanyn, onyń Qyzyl kitapqa engenin bilmeıtinin alǵa tartqan.
«О́simdikter men janýarlardyń sırek kezdesetin jáne joıylyp ketý qaýipi tóngen túrlerine zańsyz qaraý faktisi boıynsha qylmystyq is qozǵaldy. Mán-jaılar anyqtalǵanǵa deıin dala búrkiti Qaraǵandy qalasynyń haıýanattar baǵyna ýaqytsha saqtaýǵa berildi», delingen habarlamada.