Úkimet otyrysynda Oqý-aǵartý mınıstri Ǵanı Beısembaev bilim berý uıymdarynyń ınfraqurylymyn jaqsartý jáne balalardyń qaýipsizdigin qamtamasyz etý máselesine toqtaldy, dep habarlaıdy Egemen.kz.
Búginde Qazaqstanda 7859 mektep bar, onda 3,9 mln bala bilim alady. Úshaýysymdy mektepter men oqýshy ornynyń jetispeýshiligin joıý maqsatynda bıylǵy jyly 302 jańa mekteptiń qurylysy josparlanǵan. Osy tamyz aıynda jańa oqý jyly bastalǵanǵa deıin «Jaıly mektep» ulttyq jobasy boıynsha alǵashqy 20 nysan paıdalanýǵa beriledi.
Balalarǵa jaıly orta qalyptastyrý maqsatynda 280 bilim berý uıymynda kúrdeli jóndeý júrgizilip jatyr. Sý tasqyny saldarynan zardap shekken nysandar qaıta qalpyna keltirilýde.Sonymen qatar 1731 mektepke Starlink jerseriktik ınterneti qondyryldy, al shekara mańyndaǵy 137 mektepte termınaldardy jandandyrý jumystary júrgizilip jatyr.
«Memlekettiń basym mindeti balalardyń qaýipsizdigin qamtamasyz etý jáne olardyń quqyqtaryn qorǵaý bolyp qala beredi. О́rtke qarsy jáne terrorızmge qarsy qaýipsizdikti qamtamasyz etý, dabyl túımesiniń, beınebaqylaý júıesiniń, týrnıketterdiń jáne lısenzııalanǵan kúzettiń mindetti bolýy jónindegi talaptar kúsheıtildi. Alǵash ret bilim berý uıymdaryn qaýipsizdik júıelerimen barynsha jaraqtandyrý qamtamasyz etildi», dep atap ótti mınıstr.
Zamanaýı 1000 pándik kabınetpen jaraqtandyrý, 1000 aýyl mektebin 7 baǵyt boıynsha jańǵyrtý boıynsha jobalar júzege asyrylyp jatyr.
Atap ótý kerek, bıyl robottehnıka, hımııa, bıologııa, fızıka jáne STEM-zerthana boıynsha 1383 kabınet satyp alý josparlanǵan.