Búgin Olımpıada astanasy Parıjde breıkıngten erler arasynda júldeler sarapqa salynady, dep jazady Egemen.kz aqparat agenttigi.
Qazaqstan namysyn Ámir Zákirov qorǵaıdy. Senbi, 10 tamyzda qazaqstandyq Ámir Zákirov Olımpıada tarıhyndaǵy jańa sport túri bolyp sanalatyn breık jarysyna qatysady.
Ámir saıysty toptyq kezeńnen bastaıdy. Eger joly bolsa fınalǵa ótedi. Onyń bı alatyn ýaqyty shamamen - 19:35.
26 jastaǵy Ámir bımen aınalysýdy 12 jasynda bastaǵan. Soltústik Qazaqstan oblysynyń týmasy. 16 jasynda Ombyǵa kóship, sol jaqta aınalysqan. Keıin Máskeýge qonys aýdarady. Toptyq kezeńde 16 sportshy qatysady, olar tórt topqa bólinedi. Ár toptan eki úzdigi fınalǵa ótedi.
Ámir Olımpıadadaǵy favorıtterdiń biri sanalady. Biraq býkmekerler onyń jeńisine senbeıdi. Chempıon atanady degen boljamǵa 21 koeffısent berip tur. Al úshtikke kiredi degendi tańdasańyz 5 koeffısent. Basty qarsylastarynyń arasynda AQSh, Kanada, Japonııa, Nıderlandy, Fransııa sportshylary bar. Ámir Zákirovtiń ónerin «Habar» jáne «Elarnadan» tamashalaýǵa bolady.