Týrızm jáne sport mınıstrligi Fransııa astanasynda ótip jatqan HHHIII jazǵy Olımpıada oıyndarynyń on besinshi jarys kúniniń nátıjesin qorytyndylady, dep habarlaıdy Egemen.kz.
Erkin kúres: 97 kg deıingi salmaqta synǵa túsken Álisher Erǵalı shırek fınalda jeńilse de, jubanysh beldesýine qatysýǵa múmkindik aldy.
Velotrek: Keırın baǵdarlamasyndaǵy Andreı Chýgaı irikteýde óz tobynda márege besinshi bolyp keldi. Endi ol jubanysh kezeńinde baq synaıdy.
Qazirgi bessaıys: A tobynyń jartylaı fınalynda synǵa túsken Elena Potapenko 1301 upaı jınap, 15-orynnan kórindi.
Breıkıng: Ámir Zákirov shırek fınalda álem chempıony Vıktor Montalvoǵa (AQSh) jol berip, jarysty aıaqtady. Toǵyz tóreshiniń 3 raýnd boıynsha esebi: 0-3 (0-9, 1-8, 2-7).
Olımpıadanyń on besinshi jarys kúninen keıin Qazaqstan quramasynyń qorjynynda 1 altyn, 3 kúmis, 3 qola júlde bar.