Qazaqstanda 2024 jyldyń 28 maýsymynda 10 000 teńgelik jańa banknot aınalymǵa shyǵaryldy. Bul týraly Qazaqstan Respýblıkasy Ulttyq bankiniń baspasóz qyzmeti habarlady, dep jazady Egemen.kz.
«Bul rette 10 000 teńgelik jańa banknottar shamamen 2024 jyldyń qyrkúıeginde jappaı aınalymǵa shyǵady, óıtkeni elimizdiń barlyq aımaqtaryna jetkizý jáne jabdyqty (bankomattar, termınaldar jáne basqa da kassalyq jabdyqtar) beıimdeý úshin qosymsha ýaqyt qajet», delingen habarlamada.
Sondaı-aq Ulttyq bank jańa dızaındaǵy 10 000 teńgelik banknottyń negizgi qorǵanysh elementteri týraly aıtty, bul naqty banknottardy jalǵan aqshadan óz betinshe ajyratýǵa kómektesedi.
Banknotada relefti jasaıtyn arnaıy baspa túri – altyn ıntaglıo qoldanylady. Qazaqstan Respýblıkasynyń Eltańbasy altyn tústi metall boıaýdyń joǵary relefti qabatynda beınelengen.