Parıj Jazǵy Paralımpıadasynyń kúmis júldegeri Erkin Ǵabbasov elge oraldy, dep habarlaıdy Egemen.kz.
Eldiń sport tarıhynda nysana kózdeýden alǵash medal alǵan para sportshyny Astana áýejaıynan mınıstrlik ókilderi men týǵan-týystary kútip aldy.
«Ońtústik Koreıa sportshysy Jın Ho Parkke shamaly jetpeı qaldym. 2016 jyldan bastap turaqty qatysyp, júldeler jeńip alyp júrgen koreıalyq sportshynyń tájirıbesi mol, qaı kezde qandaı taktıka qoldaný kerektigin jaqsy biledi», degen Erkin Ǵabbasov bıylǵy sporttyq maýsym osymen aıaqtalǵanyn, endi azdap tynyǵyp, sodan soń jattyǵýǵa qaıta kirisetinin aıtty.
Eske salaıyq, aıtýly baıraqty báseke 8 qyrkúıekke deıin ótedi, oǵan elimizden qatysyp jatqan 44 para sportshy 9 sport túri boıynsha júldege talasyp jatyr.