Italııa ǵalymdary ushatyn robot jasady. Adamnan aýmaıtyn qurylǵyǵa 4 reaktıvti qozǵaltqysh ornatylǵan. Ekeýi arqasynda, ekeýi qoldarynda tur.
Robottyń salmaǵy 70 kılo. Bolashaqta qutqarýshylarǵa septigin tıgizedi dep otyr ǵalymdar. «Robotty tabıǵat apattary kezinde qoldanýǵa bolady. О́ıtkeni adamdardyń qatynaýyna, ne jumys isteýine qıyn aımaqtar bolady. Sonda tehnologııany qashyqtan basqara alamyz. Sóıtip, robot izdestirý-qutqarý operasııalaryna qatysyp, tiri qalǵan adamdardyń jaǵdaıy týraly málimet jınaı alady», deıdi joba jetekshisi Danıel Pýchchı.
Ushýy erekshe qus
Tabıǵat qustarǵa ushý ereksheligin syılaǵan. Soǵan qarap adamzat nebir ónertabys jasady. Al qustardyń biz bilmeıtin ózge de ushý ádisteri bar eken.
Bırmıngem tuqymynyń kógershinderi kókke kóterilgende bir ret emes, birneshe ret aınalady eken. Ǵalymdar munyń sebebin áli tapqan joq. Ártúrli sheber qımyl jasap, erkin samǵaı alatyn bul qus kópshilik nazaryn da jaqsy kóredi. Qolǵa túspeýge tyrysady. Bar ónerin ashyq aspan astynda kórsetedi.
Týdyń eń jas avtory
AQSh-tyń eń úlken shtaty Alıaskanyń jalaýynyń nobaıyn nebári 13 jastaǵy bala jasaǵan.
1926 jyly Alıaska gýbernatory Djordj Parks 7 men 13 jas aralyǵyndaǵy balalarǵa arnap baıqaý uıymdastyrdy. Olarǵa jalaýdyń nobaıyn syzý tapsyrylady. Baıqaý nátıjesinde 13 jastaǵy Alıaska turǵyny Bennı Bensonnyń jobasy úzdik dep tanylady. Halyqqa unaǵany sonsha, osy nobaı óńirdiń týyna aınalady.