Kásipqoı boksshy, WBO/IBF nusqasy boıynsha orta salmaqtaǵy álem chempıony Jánibek Álimhanuly men jańazelandııalyq Andreı Mıhaılovıch arasyndaǵy jekpe-jektiń ótetin orny men kúni belgili boldy, dep habarlaıdy Egemen.kz.
Worldboxingnews aqparatyna sáıkes, qazaq boksshysy 19 qazanda Orlandodaǵy (AQSh) Caribe Royale Resort arenasynda ótetin boks keshi aıasynda rıngke oralýdy josparlap otyr.
«Buıyrsa 4 belbeýdi jınaımyz! Eki belbeý qolda, ekeýi jolda», dep jazdy Jánibek Álimhanuly áleýmettik jelidegi paraqshasynda.