QR Bas prokýratýrasy Qoǵamdyq múddelerdi qorǵaý qyzmetiniń basqarma bastyǵy Bekjan Qaramanov referendým ótkizýde zańnyń saqtalýy jáne saılaý ýchaskelerinde quqyqtyq tártipti qamtamasyz etý týraly baıandady, dep habarlaıdy Egemen.kz.
«Daýys berý prosesi quqyqtyq alań aıasynda ótip jatyr. Referendým komıssııalary men memlekettik organdar tarapynan buzýshylyqtar tirkelgen joq. Eshqandaı úgit-nasıhatqa jol berilip jatqan joq. Osy talaptardy saqtamaý ákimshilik quqyq buzýshylyq týraly Kodekstiń 102, 120-baptary boıynsha jaýaptylyqqa ákep soǵady. Qazir mundaı zańbuzýshylyqtar týraly habarlama kelgen joq», dedi B.Qaramanov Ortalyq kommýnıkasııalar qyzmetinde.
Aıta keteıik, búgin el kóleminde qoǵamdyq tártipti saqtaýǵa 33 myńǵa jýyq polısııa qyzmetkeri men Ulttyq ulannyń áskerı qyzmetshileri jumyldyrylǵan. Onyń ishinde 18 myń polıseı 10 myńnan astam referendým ýchaskesinde qyzmet etip jatyr.