Oblystyq prokýratýranyń úılestirýimen, Ulttyq qaýipsizdik komıtetiniń Qaraǵandy oblysy boıynsha departamenti asa iri mólsherde esirtki zattarynyń zańsyz aınalymy faktisi boıynsha qylmystyq isti tergep-tekserý aıasynda qala turǵyndaryn ustaǵan, dep habarlaıdy Egemen.kz.
Ulttyq qaýipsizdik komıtetiniń málimetinshe, esirtki arnasyn uıymdastyrdy degen kúdikpen Qazaqstannyń eki azamaty ustalǵan.
Anyqtalǵandaı, kúdiktilerdiń turǵylyqty mekenjaılaryn tintý barysynda salmaǵy 30 keliden astam esirtki zattary tárkilengen.
Atalǵan qylmystyq is boıynsha tıisti saraptamalar taǵaıyndalyp, tergeý áreketteri júrgizilip jatyr. Sonymen qatar tergeý barysy Qaraǵandy oblysy prokýratýrasynyń jiti baqylaýynda ekeni habarlandy.