Kásipodaqtar kúni qarsańynda Astanada «Eńbek evolıýsııasy: Klımat, Quzyrettilik, Kod» taqyrybynda Halyqaralyq jumysshy mamandyqtarynyń jastar forýmy ótti, dep habarlaıdy Egemen.kz Mádenıet jáne aqparat mınıstrligine silteme jasap.
Jıynda Qazaqstan, Ázerbaıjan, О́zbekstan, Qyrǵyzstan, Tájikstan sarapshylary sóz sóılep, klımattyq ózgeristerdiń, sıfrlandyrýdyń jáne jańa tehnologııalardyń jumysshy mamandyqtaryna áserin talqylady.
Atalǵan máselelerdiń ózektiligin Mádenıet jáne aqparat mınıstrliginiń Jastar jáne otbasy isteri komıtetiniń tóraǵasy Qaırat Qambarov atap ótti.
«Memleket basshysy Qazaqstan halqyna arnaǵan Joldaýynda 2025 jyldy jumysshy mamandyqtar jyly dep jarııalady. Osy ýaqyt ishinde tehnıkalyq jáne kásiptik bilim berý júıesin reformalaý qajet. Jumysshy mamandyqtar jyly qoǵamymyzda eńbekqorlyq pen kásibılik ıdeıasyn ilgeriletýge yqpal etedi», dedi ol.
Sonymen qatar forým qatysýshylaryna jasandy ıntellektpen jumys isteý daǵdylaryn jáne PR, SMM negizderin úıretýge arnalǵan praktıkalyq sessııalar uıymdastyryldy.