18 qazan kúni saǵat 9:00-den 20:00-ge deıin múgedektigi bar adamdarǵa arnalǵan bos jumys oryndarynyń onlaın-jármeńkesi ótedi. Tanda Enbek platformasynda túrli bıznes baǵyttar boıynsha bos jumys oryndary ornalastyrylady, dep habarlaıdy Egemen.kz.
Múgedektigi bar adamdarǵa arnalǵan bos jumys oryndar jármeńkesin «Eńbek resýrstaryn damytý ortalyǵy» AQ men «IteachMe» qoǵamdyq qory birlesip uıymdastyrdy.
Izdenýshiler jármeńkege Enbek.kz platformasynda tirkelgennen/akkaýntqa kirgennen keıin qatysa alady, muny jármeńke ótkiziletin kúni tikeleı jasaýǵa bolady.
Kásibı qyzmetkerdi jaldaǵysy keletin jumys berýshiler áleýmettik jaýapkershilikti arttyra otyryp, aldyn-ala tirkeýden ótýi kerek.
Bul jumys berýshige kompanııa týraly aqparat, eńbek jaǵdaılary men jeńildikteri, jumysqa ornalasý erekshelikteri jáne múgedektigi bar azamattarǵa jaramdy bos jumys oryndary týraly aqparat bar kásiporynnyń vırtýaldy stendin ornalastyrý arqyly uıym týraly egjeı-tegjeıli aıtyp berýge, onyń eń kúshti jaqtaryn kórsetýge kómektesedi.
Jármeńkege qatysý jumys berýshige óziniń jeke kabınetinde jaýap bergen kandıdattardan túıindemeni saqtaýǵa, mátindik formatta onlaın-áńgimelesý ótkizýge jáne Tanda.Enbek.kz portalyndaǵy jeke kabınette betpe-bet nemese beıne suhbatqa laıyqty kandıdattardy shaqyrýǵa múmkindik beredi.
Jármeńkege qatysý úshin jumys berýshini tirkeý týraly tolyq nusqaýlyq https://tanda.enbek.kz/ru/employer/faq siltemesi boıynsha qoljetimdi.