«Aýyl amanaty» jobasynyń qatysýshylary jergilikti bıýdjetke 93,3 mln teńge mólsherinde salyq tóledi. Sondaı-aq eldi mekenderde eki myńnan astam jańa jumys orny ashyldy. Bul jóninde oblys ákimi Ashat Shaharovtyń tóraǵalyǵymen ótken jıynda «Aqtóbe» áleýmettik-kásipkerlik korporasııasynyń basqarma tóraǵasy Áýez Taıymbetov málimdedi.
«Aqtóbe» áleýmettik-kásipkerlik korporasııasy bıylǵy 9 aıdyń qorytyndysy boıynsha 463,5 mln teńge paıda tapsa, jyl sońyna deıin kiris kólemi áli de ulǵaıady degen boljam bar. Osy jetistikke shaǵyn jáne orta kásipkerlik nysandarynyń jumysyn jolǵa qoıý men «Aýyl amanaty» jobasymen jeńildikpen nesıe berý baǵdarlamasyna bólingen qarajatty ıgerý arqyly qol jetkizildi.
«Aýyl amanaty» jobasy iske qosylǵan ýaqyttan bastap 2 702 ótinim maquldanyp, 15 mlrd teńge kóleminde jeńildetilgen nesıe berildi. Osylaısha, eldi mekenderdegi jumyssyzdyqty azaıtý men aýyl sharýashylyǵy ónimderin ulǵaıtý maqsatynda úsh jyl buryn qolǵa alynǵan qanatqaqty joba tıimdiligin kórsetti. «Aqtóbe» ÁKK janynan ashylǵan front-keńsede ótinimderdi «bir tereze» qaǵıdaty negizinde qaraý jobaǵa qatysýshylardyń ýaqytyn únemdedi.
Sonymen qatar ınvestısııalyq jobalardy nesıeleý baǵyty boıynsha «Aqtóbe» ÁKK AQ Aqtóbe oblysyndaǵy eń iri sút óńdeýshilerdiń biri «Aıs plıýs» JShS-nyń asyl tuqymdy iri qara satyp alý arqyly sút fermasyn keńeıtý jobasyna qoldaý kórsetti. 4,6 mlrd teńge quraıtyn osy jobanyń 3,25 mlrd teńgesi jeńildikpen qarjylandyryldy. Bul óz kezegindegi óńirdegi sút tapshylyǵyn joıýǵa baǵyttalyp otyr.
Aqtóbe oblysy