14-18 qazan kúnderi Atyraýda din máseleleri boıynsha respýblıkalyq aqparattyq-túsindirý tobynyń músheleri qoǵamda dástúrli rýhanı-adamgershilik qundylyqtardy qalyptastyrý jáne dinı ekstremızmniń aldyn alý baǵytynda semınarlar men ártúrli formattaǵy is-sharalar ótkizdi, dep jazady Egemen.kz.
Is-sharalarǵa respýblıkalyq aqparattyq-túsindirý tobynyń músheleri, teologtar, dintanýshylar qatysty. Bul qatarda Atyraý oblysy, «Shapaǵat» DDA japa shekkenderge kómek ortalyǵy» QQ teolog mamany Nurǵalıeva Aınagúl Izteleýqyzy, «Qaraǵandy oblysy, konfessııaaralyq problemalaryn zertteý jáne taldaý ortalyǵynyń» psıholog mamany Alpysbaeva Nazym Seıithanqyzy, Mańǵystaý oblysy, Din isteri basqarmasy «Dinı birlestiktermen baılanys jáne dinı ekstremızmge qarsy nasıhat jumystaryn uıymdastyrý» bóliminiń basshysy Shopanova Baqytgúl Maqsotqyzy, «AMANAT» partııasy, Mańǵystaý oblystyq fılıaly tóraǵasynyń orynbasary Shamshadınova Anar Amangeldiqyzy bar.
Is-sharalardy uıymdastyrý barysynda, Atyraý qalasy, Mahambet, Isataı, Dossor jáne Maqat aýdandarynyń meshittegi áıel jamaǵatymen, túzetý mekemesindegi jazasyn óteýshi áıelder, jastar, jergilikti turǵyndarmen «Qazaqstandaǵy bilimniń zaıyrly jáne progressıvti sıpaty», «Zaıyrly qoǵamdaǵy áıel róli jáne áıeldiń áleýmettik róli», «Dástúrli ıslam qundylyqtary men radıkalızmniń aspekileri», jáne ózgede taqyryptar aıasynda kezdesýler ótti.