Bul kúni búkil el 24 saǵat boıy únsizdik saqtaıdy. Elestetip kórińizshi, bir kún boıy bútin bir memleket typ-tynysh. Bul – oqýshylardyń emtıhan tapsyrýyna jasalǵan erekshe jaǵdaı.
Áńgime ońtústikkoreıalyqtardyń ómirindegi eń mańyzdy synaq – sýnyn týraly. Bul – júzdegen myń stýdenttiń bolashaǵyn sheshetin ulttyq ýnıversıtetke qabyldaý emtıhany. Emtıhan kúni testileý ortalyqtary ornalasqan aýdandarda joldar jabylady, mýzyka qosýǵa, jóndeý jumysyn júrgizýge, shý shyǵarýǵa tyıym salynady. Elde tipti, ushaq reısteri men qurylys jumystary da toqtaıdy. Munyń bári tynyshtyqty buzbaý maqsatynda jasalady. Oqýshylardyń emtıhanǵa keshikpeýi úshin qyzmetkerlerdiń jumys kúni bir saǵatqa kesh bastalady. О́ıtkeni jolda keptelis bolmaýy qajet. Bul emtıhannyń mańyzdylyǵy sonshalyq, ata-analar balalaryn synaqqa balabaqsha kezinen bastap daıyndaıdy.
Jasandy ıntellekt basqaratyn zaýyt
Qytaıda jasandy ıntellektimen basqarylatyn alǵashqy zaýyt iske qosyldy.
Osydan birneshe jyl buryn adamnyń ornyn robot basady degen sóz qııal sekildi kóringen bolsa, búginde ol shyndyqqa aınaldy. Zaýyt ashsań da qaptaǵan jumysshy izdep áýrelenbeısiń. «Changan» men «Huawei» kompanııalary birigip negizin qalaǵan kásiporynnyń óndirisin bir ǵana kompıýter basqarady. Onda 1 400 robot, 650 avtonomdy kólik, 200-den astam ózdiginen basqarylatyn stansa bar. Bul júıe suranysqa saı avtokólikterdi qurastyryp beredi. Zaýyt tutynýshydan avtokóliktiń modelin, túsin jáne basqa da parametrlerin naqtylap alǵannan keıin osy málimetterge súıene otyryp, barlyǵyn avtomatty isteı beredi.
Erekshe jumys
Eki ret sham aýystyryp, 300 myń dollar tabýǵa bolady. Osyndaı joǵary jalaqyǵa qaramastan, bul jumysqa qyzyǵýshylar az. О́ıtkeni ómirińdi qaýipke tigý kerek.
Mamannyń mindeti – bıiktigi 600 metrden asatyn munaraǵa shyǵyp shamdy aýystyrý. Bir qaraǵanda ońaı kóringenimen, olaı emes. Munara bıiktegen saıyn onyń tirekteri jińishkere túsedi. Qulap ketseń, aman qalýyń ekitalaı. Munaraǵa kóterilý men odan túsý keminde 6 saǵat ýaqytty alady. Al onyń ushar basyndaǵy jeldiń jyldamdyǵy saǵatyna 100 shaqyrymǵa deıin jetedi. Sondyqtan jumysty oryndaıtyn adam bıiktikten qoryqpaý kerek. Sonymen qatar myqty fızıkalyq daıyndyq qajet.