Shveısarııanyń Bern qalasynda semserlesýden ótken álem kýboginiń kezeńinde Qazaqstannyń erler quramasy jalpykomandalyq esep boıynsha 7-orynǵa ıe boldy, dep habarlaıdy Egemen.kz.
Ulttyq olımpıadalyq komıtettiń málimetinshe, komandalyq jarysta medal úshin saıysqandar: Elmır Álimjanov, Vadım Sharlaımov, Erlik Sertaı, Rýslan Qurbanov.
1/16 fınalda bizdiń semsershiler Danııany 31:30 kórsetkishimen jeńip, kelesi kezeńde Ýkraınany 33:32 esebimen tize búktirdi.
Al shırek fınalda Qazaqstan sportshylary Vengrııaǵa ese jiberdi. Sodan soń 5-8 oryndarǵa talasý boıynsha Qazaqstan Shveısarııadan jeńildi.
Nıderland quramasymen 7 oryn úshin saıysta otandastarymyz 45:40 esebimen jeńiske jetti.