Kolýmbııa ýnıversıtetiniń ınjenerleri antennalardy matalarǵa engizý tehnologııasyn usyndy.
Endi antennalar kıimniń bir bólshegine aınalady. Mundaı «aqyldy kıimder» qutqarýshylarǵa, saıahatshylarǵa nemese shalǵaı aımaqtarda jumys isteıtinderge yńǵaıly qural bolmaq. Antennalar arnaıy ádispen toqyma mashınalarynda metall men dıelektrlik jipterden toqylady. Keremeti kıimdi birneshe ret jýsa da bastapqy qalpyn joǵaltpaıdy. Jańa tehnologııa aýyr qurylǵylardyń ornyn basyp, spýtnıktik baılanysty qurýǵa, qutqarý operasııalaryn jedeldetýge, shalǵaı aımaqtardaǵy baılanysty jaqsartýǵa kómektesedi.
Jylý saqtaıtyn kirpish
MIT «Massachýset tehnologııalyq ınstıtýty) ǵalymdary jylýdy uzaq saqtaıtyn kirpish jasap shyqty.
Sement, bolat, hımııa, qaǵaz óndirisinde jylý alýǵa qazba otyny qoldanylady, bul ekologııaǵa zııan keltirip, dekarbonızasııany qıyndatady. Al MIT ǵalymdary jasaǵan kirpishter elektr energııasyn jylýǵa aınaldyryp, gazdy, aýany 1 800°C-qa deıin qyzdyrady. Sóıtip, temperatýrany uzaq ýaqyt boıy birqalypta saqtap turady. Olar arzan materıaldardan daıyndalady ári óndiris júıesine ońaı beıimdeledi. Startap AQSh Energetıka mınıstrliginen 40 mln ınvestısııa alyp, aldaǵy jeti aıda megavatttyq júıeni iske qosýdy josparlap otyr.
Sýasty kabeli
«Meta» sýasty kabel jobasyn iske qospaq.
«Meta» ózine ǵana arnalǵan sýasty optıkalyq kabelin salýdy josparlap otyr. Uzyndyǵy 40 000 shaqyrymnan asatyn bul jahandyq jelini qurýǵa shamamen 10 mlrd dollar ınvestısııa salynady. Jobany iske asyrý ýaqyty shamamen 5-10 jyl. Kabel marshrýttary geosaıası shıelenis aımaqtaryn aınalyp ótedi. Atap aıtqanda, AQSh-tyń shyǵys jaǵalaýynan batys jaǵyna deıin sozylyp, Úndistan, Ońtústik Afrıka, Aýstralııa arqyly ótedi.